Sambutan Klian Adat
Darma Wacana Kelian Adat Banjar Tegal Asah Nemoning Wanti Warsa Kepitulas, Banjar Adat Tegal Asah, tanggal 7 Maret 2007
Sane wangiang titiang, …….sane tresnen titiang, para Penasehat, para Prajuru Banjar, pengurus lan warga PKK, STT
Om Swasti Astu
Kadi purwakaning atur, lugrayang titiang mekadi Klian Banjar Adat atas nama pribadi taler atas nama Pengurus / Prajuru Banjar ngaturang prama suskmaning manah sepengerawuh para warga banjar sinamian ring banjar nemoning Wanti Warsa kepitulas Banjar Tegal Asah.
Sekadi sampun kawikanin nyabran tanggal 7 Maret, warga Banjar Tegal Asah ngawit 7 Maret 1991 ngawentenang wanti warsa. Sane mangkin merupa wanti warsa kapitulas.
Menawi sane lingsir –lingsir pastika eling ring Rahina Buda Wage Warigadian, sasih kesanga tanggal masehi 7 Maret 1990, Ida Bendesa Adat Sanur ngeresmiang Banjar Tegal Asah puniki. Indike puniki merupa “catatan sejarah” sane patut kauningin tur kaelingan mangda sampunang lipia – yan kadi bawos mangkine “sampunang lipia ring sejarah seantukan sejarah punika ngawinang raga setata wicaksana”.
Duaning asapunika titian sareng Prajuru Banjar, memanah ngawentenang acara wanti warsa puniki yadiastun pemargine kalintang sederhana, sakewanten semangat, pikayune sareng sami tan kirang ring semangat duk ngeresmiang Banjar 7 Maret 1990 dumun.
Punapi artos wanti warsa ke pitulas punika? Yan andiang titian ring manusa, umur 17 tahun marupa umur sane sampun “menek teruna” sekadi mangkin kebawos “sweet seventeen”, sampun uning ring napi sane patut tan patut, sane madrebe cita-cita hari depan, sampun wicaksana.
Punika duaning tema peringatan wanti warsa puniki inggih punika “Melangkah Menggapai Prestasi” (nerusang pemargin mangda ngemolihang Pikolih / kemajuan). Punapi awinang asapunika? Seantukan jamane mangkin boyaja jaman berpangku tangan, nanging mangkin jaman kemajuan.
Para semeton, warga Banjar Tegal Asah,
Rikala iraga sareng sami matemu sekadi mangkin merayakan wanti warsa banjar, wenten pikeneh ipun ejebos ngeling elingan (merenungkan kembali) napi sane sampun kelaksanayang olih para pimpinan lan wargane pecak, ngawit medal saking Banjar lama tanggal 5 Januari 1990 memargi melapu lapu ngerereh tirta ening nyantos jumenek ring Banjar wawu “Tegal Asah” tanggal 7 Maret 1990.
Selantur ipun sapunapi perjuanganne mangda digelis madrebe Bale Banjar? Tanggal 11 Maret 1990, besi, pasir, miwah bahan bangunan sampun rawuh kesarengin usaha ngumpulang jinah teller mekarya gotong royong. Sambil memargi, mekarya tanggal 9 Maret 1991 rerahinan Saraswati kemargiang wanti warsa kapertama.
Upacara nasarin sampun kelaksanayang 27 Juni 1990. Antuk semangate mekarya tanggal 16 Oktober 1991, banjare kepelaspas inggih punika: pemerajan banjar, bale banjar, bale kulkul, marisuda karang, mendem pedaginga, melasti ke segara lan mendak siwi. Upacara Pemelaspas puniki taler keresmiang olih Sekretaris Wilayah Kabupaten Badung sane ngewakilin Bupati Badung.
Sesampune karya ageng ngewangun bale banjar puput, wawu ngelanturang pekaryan membina kesenian: ngewentenang bleganjur, gong gede sane mangkin PKKne Gong Praja Gita. Antuk sihing Ida Batara, keseniang gong puniki sayan lami sayan maju, ngantos ngeniang nomor 3. Malah duk Lomba Gong PKK se Kota Denpasar PKK Banjar Tegal Asah polih juara Pertama.
Para semeton, warga Banjar Tegal Asah,
Titian nyelasang indik puniki boya je seneng mebawos, nenten. Titian rikala wanti warsa sekadi mangkin, memanah ngiring para warga banjar “mulat sarira” sayewakti panjang pemargine sane sampun kemarginin ngulati tatujon. Makweh kasulitan makweh kekirang berhasilan disamping taler sampun makeh sane berhasil. Inike punika ngiring anggen sasuluh pacing ngelanturang pemargi. Tepengan puniki patut titang selaku Kelian Banjar nyelasang antuk pelaksanaan pemargin banjar sane sampun memargi punika sane sampun mikolihan prestasi, yadiatu wenten taler kekirangan ipun sekadi bawos “tan una swata nulus”, wantah kapimpin olih Bapak Ketut Subaska, Klian Banjar masa bakti 1990 – 1999, kelanturang olih Bapak Made Pepek Sutika Klian Banjar masa bakti 1999 – 2004.
Duaning asapunika Banjar Tegal Asah,mutusang ngicening Piagam Tanda Penghargaan ring bekas Klian Banjar puniki antuk yasa lan kertinnyane mautsaha makarya, ngenter bajare saking ngawit kadi “rare” ngantos teruna sekadi mangkin. Margi indike puniki prasida dados conto, tatuladan olih prajuru pungkuran.
Para semeton, warga Banjar Tegal Asah,
Acara pkok wanti warsa kepitulas sane seyosan:
- santai,
- kesehatan
- anak-anak
- ke wargi sane sakit
- penghargaan kepada warga sane berprestasi.
Acara peringatan wanti warsa puniki prasida memargi antuk bantuan kerjasama sakeng Tim Medis Puskesmas Sanur taler saking sponsor susu Nutricia, PKK, sekehe Teruna lan wargi banjar Tegal Asah. Titiang mekadi Klian Banjar ngaturang suksmaning idep terima kasih banyak.
Seantukan acara peringatan wanti warsa puniki wantah kalintang sederhana, nenten wenten persiapan khusus, titian nunas geng pengampura antuk kekirangan ipun.
“Dirgahayu Wanti Warsa Ke Pitulas Banjar Tegal Asah”, semoga sukses.
Sanur, 7 Maret 2007
Klian Banjar Adat Tegal Asah
Ida Bagus Anom Darpa, MBA
Sane wangiang titiang, …….sane tresnen titiang, para Penasehat, para Prajuru Banjar, pengurus lan warga PKK, STT
Om Swasti Astu
Kadi purwakaning atur, lugrayang titiang mekadi Klian Banjar Adat atas nama pribadi taler atas nama Pengurus / Prajuru Banjar ngaturang prama suskmaning manah sepengerawuh para warga banjar sinamian ring banjar nemoning Wanti Warsa kepitulas Banjar Tegal Asah.
Sekadi sampun kawikanin nyabran tanggal 7 Maret, warga Banjar Tegal Asah ngawit 7 Maret 1991 ngawentenang wanti warsa. Sane mangkin merupa wanti warsa kapitulas.
Menawi sane lingsir –lingsir pastika eling ring Rahina Buda Wage Warigadian, sasih kesanga tanggal masehi 7 Maret 1990, Ida Bendesa Adat Sanur ngeresmiang Banjar Tegal Asah puniki. Indike puniki merupa “catatan sejarah” sane patut kauningin tur kaelingan mangda sampunang lipia – yan kadi bawos mangkine “sampunang lipia ring sejarah seantukan sejarah punika ngawinang raga setata wicaksana”.
Duaning asapunika titian sareng Prajuru Banjar, memanah ngawentenang acara wanti warsa puniki yadiastun pemargine kalintang sederhana, sakewanten semangat, pikayune sareng sami tan kirang ring semangat duk ngeresmiang Banjar 7 Maret 1990 dumun.
Punapi artos wanti warsa ke pitulas punika? Yan andiang titian ring manusa, umur 17 tahun marupa umur sane sampun “menek teruna” sekadi mangkin kebawos “sweet seventeen”, sampun uning ring napi sane patut tan patut, sane madrebe cita-cita hari depan, sampun wicaksana.
Punika duaning tema peringatan wanti warsa puniki inggih punika “Melangkah Menggapai Prestasi” (nerusang pemargin mangda ngemolihang Pikolih / kemajuan). Punapi awinang asapunika? Seantukan jamane mangkin boyaja jaman berpangku tangan, nanging mangkin jaman kemajuan.
Para semeton, warga Banjar Tegal Asah,
Rikala iraga sareng sami matemu sekadi mangkin merayakan wanti warsa banjar, wenten pikeneh ipun ejebos ngeling elingan (merenungkan kembali) napi sane sampun kelaksanayang olih para pimpinan lan wargane pecak, ngawit medal saking Banjar lama tanggal 5 Januari 1990 memargi melapu lapu ngerereh tirta ening nyantos jumenek ring Banjar wawu “Tegal Asah” tanggal 7 Maret 1990.
Selantur ipun sapunapi perjuanganne mangda digelis madrebe Bale Banjar? Tanggal 11 Maret 1990, besi, pasir, miwah bahan bangunan sampun rawuh kesarengin usaha ngumpulang jinah teller mekarya gotong royong. Sambil memargi, mekarya tanggal 9 Maret 1991 rerahinan Saraswati kemargiang wanti warsa kapertama.
Upacara nasarin sampun kelaksanayang 27 Juni 1990. Antuk semangate mekarya tanggal 16 Oktober 1991, banjare kepelaspas inggih punika: pemerajan banjar, bale banjar, bale kulkul, marisuda karang, mendem pedaginga, melasti ke segara lan mendak siwi. Upacara Pemelaspas puniki taler keresmiang olih Sekretaris Wilayah Kabupaten Badung sane ngewakilin Bupati Badung.
Sesampune karya ageng ngewangun bale banjar puput, wawu ngelanturang pekaryan membina kesenian: ngewentenang bleganjur, gong gede sane mangkin PKKne Gong Praja Gita. Antuk sihing Ida Batara, keseniang gong puniki sayan lami sayan maju, ngantos ngeniang nomor 3. Malah duk Lomba Gong PKK se Kota Denpasar PKK Banjar Tegal Asah polih juara Pertama.
Para semeton, warga Banjar Tegal Asah,
Titian nyelasang indik puniki boya je seneng mebawos, nenten. Titian rikala wanti warsa sekadi mangkin, memanah ngiring para warga banjar “mulat sarira” sayewakti panjang pemargine sane sampun kemarginin ngulati tatujon. Makweh kasulitan makweh kekirang berhasilan disamping taler sampun makeh sane berhasil. Inike punika ngiring anggen sasuluh pacing ngelanturang pemargi. Tepengan puniki patut titang selaku Kelian Banjar nyelasang antuk pelaksanaan pemargin banjar sane sampun memargi punika sane sampun mikolihan prestasi, yadiatu wenten taler kekirangan ipun sekadi bawos “tan una swata nulus”, wantah kapimpin olih Bapak Ketut Subaska, Klian Banjar masa bakti 1990 – 1999, kelanturang olih Bapak Made Pepek Sutika Klian Banjar masa bakti 1999 – 2004.
Duaning asapunika Banjar Tegal Asah,mutusang ngicening Piagam Tanda Penghargaan ring bekas Klian Banjar puniki antuk yasa lan kertinnyane mautsaha makarya, ngenter bajare saking ngawit kadi “rare” ngantos teruna sekadi mangkin. Margi indike puniki prasida dados conto, tatuladan olih prajuru pungkuran.
Para semeton, warga Banjar Tegal Asah,
Acara pkok wanti warsa kepitulas sane seyosan:
- santai,
- kesehatan
- anak-anak
- ke wargi sane sakit
- penghargaan kepada warga sane berprestasi.
Acara peringatan wanti warsa puniki prasida memargi antuk bantuan kerjasama sakeng Tim Medis Puskesmas Sanur taler saking sponsor susu Nutricia, PKK, sekehe Teruna lan wargi banjar Tegal Asah. Titiang mekadi Klian Banjar ngaturang suksmaning idep terima kasih banyak.
Seantukan acara peringatan wanti warsa puniki wantah kalintang sederhana, nenten wenten persiapan khusus, titian nunas geng pengampura antuk kekirangan ipun.
“Dirgahayu Wanti Warsa Ke Pitulas Banjar Tegal Asah”, semoga sukses.
Sanur, 7 Maret 2007
Klian Banjar Adat Tegal Asah
Ida Bagus Anom Darpa, MBA
powered by performancing firefox
Labels: Wanti Warsa XVII
posted by idabagusmade at 9:23 PM
0 Comments:
Post a Comment
<< Home